اني مال انساك اكبر مستحيل
بيه كل دكة كلب تحتاجلك
واني ما اشتاقلك تدري انت ليش ؟
لان ما ناسيك حتى اشتاقلك
.....................................
صفاتك والحلاة البيك ما شالها ابد انسان
ولا تكدر على اوصافك قصيدة
العسل لو يوم صدفة تلاكة وياك
يمد ايده عليك ويلحس ايده
...........................................
مو بس من احضنك كلبي مني يطير
من اشوفك حتى عيوني هم تخدر
من كال الكمر يفتر على الارض؟
الكمر شافك وداخ وكام يفتر
...........................................
من تمشي وتدوس برجلك انت تراب
يطلعلك زمرد صافي من يلمع
هاي برجلك وهيج التدوسة يصير
اذا لحت التراب بشفتك شيطلع؟
............................................
عود انت بجمالك مثل باقي الناس ؟
وعود الصورك خلاك تشبههم؟
قبل لا يخلق الله الناس سواك
وخله كبالة انت وكعد يرسمهم
موضوع: مجموعة ومضات 
الأحد يوليو 06, 2008 6:52 am
