سواديني على حبهه وماانام الليل
ام اعيون سوده وكلبي سابيته
اذا من ندى شفاهه يلوح وجه الكاع
اخبطه اويه التراب يصير جكليته
هزهه الشوك امس دكت عليه الباب
او يدك بيباني جفهه اسنين تانيته
فتحت الباب بس من كثر مافرحان
صم جكليت عمري عليهه طشيته
كعدنه ابسكته بس فاظحنه صوت البوس
او شفه ابحلك شفه الليل كظيته
خلكي الجان نايم صار حفنه اسنين
على صوت المباوس كاعد لكيته
لعبت ابخدهه طوبه ابكثر مامشتاك
جمر نيران شوكي ابخدهه طفيته
واسمع خدهه يحجي ويّه نفسه يكول
هلمجنون هذا اشجابني البيته
ومن راحت كمت من حلكي مدري اشطاح
شفته اولن حلكهه ابحلكي ناسيته
موضوع: قصيدة للشاعر وعد السرحان شوية قوية 
الأربعاء أبريل 02, 2008 6:42 am
