شاعر ما صرت لوما حجيت وياك

عليك انت كبل

يامة حجولي الناس

كلولي بصحبتة ابد

ميملك

ازداد شتياقي لشوفتك بالروح

ونذرت سنين عمري لخاطر

اندلك

من شفتك شفت ؟؟؟

ليل وكمر ونجوم

والنجمات تضوي وتزهي من ضلك

هَمَت بيك روحي وبطلت

احزان

ومقصر (احبك) كلبي

لوكلك

يل حسنك لغز حير

جميع الناس

حتة الكون حار وماعرف حلك

ياطيب وحنان ورقة

بالاحساس

ماشفت بحياتي شخص يوصلك


من جرحك تداوي جروح بيها جروح

وتتحمل جرح

لوجان من خلك

لو ذبني العطش

وانة بفراش الموت

ترد الروح بية بدمعة من كحلك

شاعر ماصرت

لوما حجيت وياك

معذورة القوافي اشعار تمطرلك


هاك اخذ الكلب

خلة اسير وياك

لان تدري الكلب دك ونبض مثلك


اذا طيفك يمر
مره غريب بدار

صدكني الشمع عشرتهن اشعلك


يضل عمر النخل

مادنك الفلاح


بس انت النخل مجبور ينزلك


صفت عندي

المشاعر عود والفنان

من الحان كلبي اشكال تعزفلك


دنيا انت وحطة

يمر عليها الريل


يخلص من همومة كلمن ايحلك


كفكفت الدموع
وقررت وياك

بدروب المحنة شموع انطرلك


واذا تسئل احبك انة تدري ليش ؟؟؟؟؟؟؟؟؟؟؟؟


لان كلك حلو يا احلى من كلك