هوسه

يوم حرامي جييت على بيت وملكه غير مرة عجوز ما عدها احد فكاللها انطيني شكو عندج لو اذبحج.
كالتله يمة ما عندي كلشي غير هذا قوري الفافون العتيك وبيه جني يخدمك من تحك بيدك على القوري وفعلا مجان عدها اي شي غير القوري والبيت ملييان طيور فالحرامي اخذ القوري وعاف العجوز بحالها وراح بس كاللها اذا اجذبين علييه تره ارجعلج واذبحج.

لمن وصل لبيته الحرامي كام وفرك بيده على القوري وجان يطلعله الجني ويكوله شبيك لبك عبدك بين ايديك كل أوامرك مطاعة ياسيدي.
الحرامي كال للجني ياله روح جيبلي كباب فبرمشة عين غاب ورجع الجني وجاب للحرامي قبقاب. كله لك اريد كباب مو قبقاب ودزه مرة اخرى واخرى وبكل مرة يرجع الجني جايب قبقاب.

كام الحرامي واخذ القوري ورجع على العجوز وكال الها لج بت الكلب شنو كاعدة تضحكين عليه؟ كالتله لا يمه نسيت اكللك تره هذا الجني مخرف متشوف كل ما جنت اكلله روح جيب لي خير يروح ويجيبلي طير الى ان ترسلي البيت طيوره