ابراج 2008 والعلم عند الله

برج الحمل:-
الحجر او المعدن:جينكو & رقم الحظ ماكو
بالنظر الى ردائت احذية الباته وكثرة الشماته وتصاعد الدخان بالتاتا كل هذا اثر على صحتك اطمئن رح تنتهي



برج الثور:-
الحجر او المعدن:التنك&رقم الحظ 11
دفره تفوت ولا حد يموت مثل ميقول المثل اي هسه شجابك يم المشجعين مال الزوراء لابس قميص ازرق لا ومكتوب عليه يعيش نادي القوه الجويه لتخاف المجبرجي يقول كلها 3سنين وتطيب



برج الجوزاء:-
الحجر او المعدن:حصوايه بيضه&رقم الحظ:-6
هزه ارضيه بقوة 9 على مقياس رختر اثر رساله دزيتها ووقعت بيد العواذل لتخاف مرح يسوون شي لان انت مكاتب العنوان


برج السرطان:-
الحجر او المعدن الزنجار$رقم الحظ:ضايع
تركض والعشا خباز بابا عوفهم تره كل شي متحصل بس الاذيه وتصرف وترجع ليوره بابا شجابرك على المر


برج الاسد:-
الحجر او المعدن:طابوكه جمهوري&رقم الحظ:صفر
الف صديق ولا عدو نذل بابا غير الشله هاي شله تعبانه رح توديك وره الشمس شنو جلبت

برج العزراء:-
الحجر او المعدن:نايلون معاد& رقم الحظ:هو وينه
بوري سبعه انج من الحبيب يتسبب لك ببنجر بالرئتن ومصران اكرع ومثل ما يقول المثل (اس لا تكلي شبيك خليها سكته تنشد على الجتال والجاتل انت)


برج الميزان:-
الحجر او المعدن:بلوك القاسم&رقم الحظ:اكلك بس بعدين
امورك مليوصه اخبارك مجعوصه لتدوخ تره 1+1=3 ونص الالف ستميه


برج العقرب:-
الحجر او المعدن:خرزه&رقم الحظ:بكيفك لان اكذب عليك اذا اكول اعرف
يجب عليك انت ترتب افكارك لهذا الاسبوع لان المستاجر يريد المشتمل مالته لتياس دور والله كريم


برج القوس:-
الحجر او المعدن:قوطيه مال معجون:رقم الحظ صفر باليد كتوت
امورك عدله خلص الشتا بعد متتحتار بالنفط والغاز بس لتكيف حباب جاك الصيف هي درجه حراره فوك التسعين ولا يهمك طشت واملي مي وتروح الحراره بس اذا ممكطوع المي!!!!!


برج الجدي:-
الحجر او المعدن:شيشة نركيله& رقم الحظ 07901
قد تحتاج الى صونده للاتصال بمن تحب لان خطوط الهاتف الارضي والتلفون المحمول في طريقها الى الخراب التام والكارتات رح تهجم بيتك


برج الدلو:-
الحجر او المعدن:بستوكه& رقم الحظ :واحد صفر صونده
سفره سعيده الى الصومال ستاتيك بدعوه من صديق عزيز لك لا تتردد روح واشبع موز وادعيلي


برج الحوت:-
الحجر او المعدن:السكراب&رقم الحظ مزور ما انصحك بي
يوديك للشط وريرجعك عطشان جوز منه واسمع نصيحتي(طنش وصلي على النبي if u wanna to be hapy) لا تتردد بهالموضوع