حلوووووووووووووو كلش

زائر

عذبني الحزن وجروحي زادت حيل
صرت مثل الدمع وسط الجرح مزروع

اخفي دموعي بس طبع الجفن مفضوح
ذبت كلي اعله خدي وطحت كلي دموع

كلت بس انت عندي وكلهه مو وياي
ما ادريك ضدي .. شكد جنت مخدوع

شكيت انت بييه وحاسبتني بغيض
وانه الدافعتلك وبكلب ملجوع

هاي الدنييه صدك تثبت اللي صار
وباجر تكتشف ويبين الموضوع

اشكرك ياوفي بلبيك ماشكيت
ياضلعي شعجب كسرت بييه ضلوع

فكر بييه مره الماضي لك موجود
درد للماضي خايب مره رد اردود

جنت من تزعل انت وتغفه مامرتاح
ابوسك واعتذر يمك اضل ممدود

هسه بياذنب تجرحني وبكل صوت
وتفك باب الحزن وانه ادري بي مسدود

لالتعود ابد ... لاوالله اتاني اتعود
من تعرف تره الي صار مامقصود