شلون خطة ( قصيدة مو تبيعية )

زائر

ترى الماشاف حســـنك مبتدء معروب
ويقع من شاف حسنــــك في خبر كانه
يلعــــــينك جزيرة وبيـــها بس غابات
ورمـــــــوشك علـــــــيها جنود سفانه
من طحنه بمــــــحبتك ماأغوانه إبليس
ولا شيطان وزنه وحســـــــنك أغوانه
سگيت إعيــــــوني منك يلجمالك ماي
وكلما أروي عيني تصـــــيح عطشانه
بيك الدنيا تحــــــــله وما نريد الموت
وبدونك لا أبد ماتســــــــــــوى دنيانه
شگد شفـنه سهر لمــــــن زعلنه وياك
غشـــــــمه وحيل بــــينه ومـوت لفانه
شلون إنـريد غيرك يــــــــل إذا مريت
نتـيـــــه ومانعــــــرف إشجانه ماجانه
مــن گــد غيرتي وحبي وحناني عليك
أغـــار اعليـــــك صدگ حتى مني آنه
إذا أخرس يشـــوفك من امـــامه تفوت
تنــــــفك بجمالــــــك عقـــدت إلســـانه
وإذا أعمــــى ويحس إجدامك تــمر بيه
يــــــــــشوف الدنيــــا منك بشر مليانه
وإذا جيــــت لبشـــــــــــر ما آمنو بالله
كل واحـــــد توضــــــــى وشال قرأنه
صعـــــبه الدنيـــا تخلق مثلك إيگولون
وأكـــــيد الخلق حـــــــسنك الله سبحانه
على شفافـــــك شفت نحلة وبديها سلاح
مخـــــــبوصه بصـــــدگ تطرد بذبانه
يل لـــــــــونك ثلـــــج بس داخلك تنور
آنه وگلبـــــــي منـــــك زاد بلـــــــوانه
آنه وگلــــبي بمــــرك والتريده إيصير
بــــــس انكون يمـــــك هذا مــــــسعانه
رادك گلبـــــي يمه حتى يبــــقى يعيش
وحطك وســـــط دمه ونبـــــض شريانه
ولون حبـــــــي إلك يـــــــــنذاع بالتلفاز
لذيعـــــــنه على شاشـــــات روتـــــــانا
يا أقـــــوى سحـــــر بيك وعميت الناس
إذا الذابـــــح إبـــــــنها ويـــــاك فرحانه
عـــــندي وياك خطــة إنحمي بيها الگاع
ونحــــرر وطنــــــــه ونطـــــرد الجانه
على اعدانه تمــــشـى وطب معاهم فوت
والبــــــــس ثوب احمــــر وچفل إردانه
ومن تلــــعب بشــــعرك رايح إيدوخون
ونجــــي إحنه بتــــــواثي ونكتل اعدانه